Dhanush About Mammootty 13 Years Ago Movie: కోలీవుడ్ స్టార్ హీరో ధనుష్, మలయాళ మెగాస్టార్ మమ్ముట్టి తొలిసారిగా తెరపై కలసి కనిపించబోతున్నారని చాలామంది భావిస్తున్నారు. కానీ, అందులో నిజం లేదు. దాదాపు పదమూడేళ్ల క్రితమే వీరిద్దరూ ఒకే సినిమాలో నటించారు.
ఓం ప్రీ రిలీజ్ ఈవెంట్‌
త్వరలో విడుదల కానున్న తమ కొత్త చిత్రం 'ఓం: ఆపరేషన్ మోల్' (OM: Operation Mole) ప్రీ-రిలీజ్ వేడుకలో ధనుష్ ఈ పాత జ్ఞాపకాలను గుర్తుచేసుకున్నారు. ఆనాడు మమ్ముట్టి ప్రవర్తన చూసి ఆయన చాలా రూడ్‌గా ఉంటారనుకున్నానని ధనుష్ నవ్వుతూ వెల్లడించారు.
'అమరన్' వంటి బ్లాక్‌బస్టర్ తర్వాత దర్శకుడు రాజ్‌కుమార్ పెరియసామి తెరకెక్కిస్తున్న ఈ ఓం చిత్రంపై తెలుగు రాష్ట్రాల్లోనూ భారీ అంచనాలు ఉన్నాయి. ఇందులో టాలీవుడ్ క్రేజీ హీరోయిన్ శ్రీలీల, నేచురల్ బ్యూటీ సాయి పల్లవి కీలక పాత్రలు పోషిస్తుండటం, కథ మొత్తం ఎర్రచందనం స్మగ్లింగ్ చుట్టూ తిరగడం తెలుగు ప్రేక్షకులను మరింత ఆకర్షిస్తోంది.
మమ్ముట్టి అంటేనే 'థగ్ లైఫ్'
ఓం ప్రీ-రిలీజ్ వేదికపై మమ్ముట్టి గురించి ధనుష్ మాట్లాడుతూ వేడుకలో నవ్వులు పూయించారు. "మమ్ముట్టి సర్ అంటేనే థగ్ లైఫ్.. థగ్ లైఫ్ అంటేనే మమ్ముట్టి సర్" అని ధనుష్ అనగానే పక్కనే ఉన్న మమ్ముట్టి పగలబడి నవ్వారు. ఆయన ఎప్పుడూ సూటిగా సమాధానం చెప్పరని, తనదైన శైలిలో చమత్కరిస్తారని ధనుష్ వివరించారు.
"ఒకసారి నేను ఆయన్ను 'ఎలా ఉన్నారు సర్?' అని అడిగాను. దానికి ఆయన 'నేను ఎలా ఉన్నానని నువ్వు అనుకుంటున్నావు?' అని ఎదురు ప్రశ్నించారు. 'మీరు బాగున్నారనే అనుకుంటున్నాను' అని నేను బదులివ్వగానే.. 'అయితే నేను బాగున్నట్లే లెక్క' అని చమత్కరించారు" అంటూ ధనుష్ ఆసక్తికర సంభాషణను పంచుకున్నారు.
పదమూడేళ్ల క్రితం ఏం జరిగిందంటే?
{{/usCountry}}"ఒకసారి నేను ఆయన్ను 'ఎలా ఉన్నారు సర్?' అని అడిగాను. దానికి ఆయన 'నేను ఎలా ఉన్నానని నువ్వు అనుకుంటున్నావు?' అని ఎదురు ప్రశ్నించారు. 'మీరు బాగున్నారనే అనుకుంటున్నాను' అని నేను బదులివ్వగానే.. 'అయితే నేను బాగున్నట్లే లెక్క' అని చమత్కరించారు" అంటూ ధనుష్ ఆసక్తికర సంభాషణను పంచుకున్నారు.
పదమూడేళ్ల క్రితం ఏం జరిగిందంటే?
{{/usCountry}}2013లో విడుదలైన మలయాళ చిత్రం 'ప్రొప్రైటర్స్: కమ్మత్ అండ్ కమ్మత్'లో ధనుష్ ఒక అతిథి పాత్రలో నటించారు. ఆ సినిమా షూటింగ్ సమయంలో మమ్ముట్టితో తనకు ఎదురైన అనుభవాన్ని ధనుష్ గుర్తుచేసుకున్నారు. "ఆ సమయంలో మమ్ముట్టి సర్‌తో నాకు చాలా తక్కువ పరిచయం ఏర్పడింది. అప్పుడు ఆయన మాటతీరు చూసి చాలా దురుసుగా (రూడ్‌గా) ఉంటారని పొరబడ్డాను. ఆయన్ను పూర్తిగా అర్థం చేసుకోవాలనే ఆసక్తితో ఆ తర్వాత ఆయన ఇచ్చిన పాత ఇంటర్వ్యూలు చాలా చూశాను. దురదృష్టవశాత్తూ ఆ సినిమా తర్వాత మళ్లీ కలిసి పనిచేసే అవకాశం రాలేదు," అని ధనుష్ పేర్కొన్నారు.
అయితే దశాబ్ద కాలం తర్వాత 'ఓం' సినిమా సెట్స్‌లో మమ్ముట్టిని దగ్గరగా చూశాక తన అభిప్రాయం పూర్తిగా మారిపోయిందని ధనుష్ చెప్పారు. "ఆయన్ను కలిసిన మూడు రోజుల్లోనే నా అంచనా తప్పని అర్థమైంది. ఆయన ఎంతో మృదుస్వభావి, వినయం ఉన్న వ్యక్తి. తోటి నటులకు ఎంతో గౌరవం ఇస్తారు. ఆయన హాస్యచతురత అద్భుతం" అని ధనుష్ ప్రశంసలు కురిపించారు.
ఎర్రచందనం స్మగ్లింగ్ నేపథ్యంలో స్పై థ్రిల్లర్
గతంలో 'రంగూన్', 'అమరన్' చిత్రాలతో ప్రతిభ చాటుకున్న రాజ్‌కుమార్ పెరియసామి ఈ స్పై యాక్షన్ థ్రిల్లర్‌కు కథ అందించి దర్శకత్వం వహించారు. వండర్‌బార్ ఫిల్మ్స్, ఆర్‌టేక్ స్టూడియోస్ సంయుక్తంగా ఈ చిత్రాన్ని నిర్మించాయి. ఇందులో ధనుష్ 'పళనివేల్' అలియాస్ ఏజెంట్ డి-402 పాత్రలో కనిపించనున్నారు.
ఎర్రచందనం స్మగ్లింగ్ సామ్రాజ్యాన్ని నడిపే 'బర్మా కార్తికేయన్' అలియాస్ సియా (మమ్ముట్టి) ముఠాలోకి అండర్ కవర్ ఏజెంట్‌గా పళనివేల్ ప్రవేశిస్తాడు. ఈ ఆపరేషన్‌లో భాగంగా ఎదురయ్యే పరిస్థితులు ఆయన విశ్వసనీయతకు పరీక్ష పెడతాయి.
ఓం చిత్రంలో ధనుష్ భార్య రోజా పాత్రలో శ్రీలీల నటించగా, పవర్‌ఫుల్ పోలీస్ అధికారిణి ఏఎస్పీ నిత్యారెడ్డిగా సాయి పల్లవి కనిపించనున్నారు. ఒక బలమైన కారణంతో పళనివేల్ తన మిషన్‌కు వ్యతిరేకంగా మారడం, న్యాయం కోసం ఏఎస్పీ నిత్యారెడ్డి ఆయనను వెంటాడటం వంటి అంశాలతో ట్రైలర్ ఇప్పటికే సినిమాపై అంచనాలను పెంచేసింది. నసీరుద్దీన్ షా, ఇంద్రన్స్ ఇతర ముఖ్య పాత్రల్లో నటించగా, సాయి అభ్యంకర్ సంగీతం అందించారు.
బాక్సాఫీస్ పోటీని తప్పించుకుని..
నిజానికి ఈ చిత్రాన్ని అక్టోబర్ 16నే విడుదల చేయాలని చిత్రబృందం భావించింది. అయితే ధనుష్ మాజీ మామయ్య, సూపర్ స్టార్ రజనీకాంత్ నటించిన 'జైలర్ 2' సినిమాతో బాక్సాఫీస్ వద్ద పోటీని నివారించేందుకు విడుదల తేదీని వాయిదా వేశారు.
దీపావళి బరిలో సూర్య నటించిన 'సీన్' చిత్రంతోనూ క్లాష్ లేకుండా జాగ్రత్త పడ్డారు. ఇప్పుడు సోలోగా భారీ అంచనాల మధ్య ప్రేక్షకుల ముందుకు వచ్చేందుకు 'ఓం: ఆపరేషన్ మోల్' సిద్ధమైంది. ఇద్దరు దిగ్గజ నటుల పోటాపోటీ నటన, ఉత్కంఠభరితమైన కథనం వెండితెరపై ఎలాంటి మ్యాజిక్ చేస్తాయో చూడాలి.