Jatin Pandit On Niharika NM Remix Song: 90వ దశకంలో భారతీయ సంగీత ప్రియులను ఊపేసిన "ఆంఖో సే తునే కా కెహ్ దియా" పాట రీమిక్స్ రూపంలో మళ్లీ ముందుకొచ్చింది. అయితే ఈ కొత్త వెర్షన్ 'ఆంఖో సే తునే 2.0'పై ఒరిజినల్ కంపోజర్ జతిన్ పండిత్ తీవ్ర అసహనం వ్యక్తం చేశారు.
తెలుగు హీరోయిన్ హిందీ సినిమా
బాలీవుడ్ పాపులర్ యంగ్ యాక్టర్ రాఘవ్ జుయల్, తెలుగు హీరోయిన్ నిహారిక ఎన్ఎమ్ నటించిన హిందీ సినిమా 'భాయ్ తేరా స్టార్ హై'లో ఈ రీమిక్స్ పాటను ఉపయోగించారు. పాటలోని మధురమైన భావాన్ని పూర్తిగా నాశనం చేశారని జతిన్ వ్యాఖ్యానించారు.
23 మిలియన్లకు పైగా వ్యూస్
తన యూట్యూబ్ ఛానెల్లో ఒక వీడియో విడుదల చేస్తూ జతిన్ పండిత్ రీమిక్స్ సంస్కృతిపై ఘాటు వ్యాఖ్యలు చేశారు. ఈ రీమిక్స్ పాటకు యూట్యూబ్లో 23 మిలియన్లకు పైగా వ్యూస్ రావడం చూసి ఆశ్చర్యపోయానని ఆయన చెప్పారు.
ఆత్మ లేని డ్యాన్స్ ట్రాక్.. ఏఐ తయారు చేసినట్లుంది!
"ఈ రీమిక్స్ పాటలోని ఆత్మను పూర్తిగా చంపేశారు. ఒరిజినల్ పాటలో ఉన్న కుమార్ సాను, ఆల్కా యాగ్నిక్ గొంతులను అలాగే ఉంచినప్పటికీ, బ్యాక్గ్రౌండ్ మ్యూజిక్ చూస్తుంటే ఏదో ఆర్టిఫిషియల్ ఇంటెలిజెన్స్ (AI) ఉపయోగించి రొటీన్గా తయారుచేసినట్లు అనిపిస్తోంది" అని జతిన్ పండిత్ ఆవేదన వ్యక్తం చేశారు.
ఇది ఒక మధురమైన రోమాంటిక్ పాట అని, దానికి వేగవంతమైన బీట్లు జోడించి డ్యాన్స్ నంబర్గా మార్చడం సరికాదని ఆయన అన్నారు. టెంపో పెంచడం వల్ల పాట మూల నైజమే దెబ్బతిందని పేర్కొన్నారు.
రీమిక్స్ విన్నవారు ఒరిజినల్ కూడా వినండి!
{{/usCountry}}ఇది ఒక మధురమైన రోమాంటిక్ పాట అని, దానికి వేగవంతమైన బీట్లు జోడించి డ్యాన్స్ నంబర్గా మార్చడం సరికాదని ఆయన అన్నారు. టెంపో పెంచడం వల్ల పాట మూల నైజమే దెబ్బతిందని పేర్కొన్నారు.
రీమిక్స్ విన్నవారు ఒరిజినల్ కూడా వినండి!
{{/usCountry}}1998లో అమీర్ ఖాన్, రాణి ముఖర్జీ జంటగా విక్రమ్ భట్ దర్శకత్వంలో వచ్చిన 'గులామ్' చిత్రం అప్పట్లో సంచలన విజయం సాధించింది. జతిన్-లలిత్ ద్వయం అందించిన స్వరాలు ఆల్బమ్లోని ప్రతీ పాటను సూపర్ హిట్ చేశాయి.
"రీమిక్స్ పాట విన్నవారంతా దయచేసి ఒక్కసారి ఒరిజినల్ పాటను కూడా వినండి. ఒరిజినల్ పాటలో ఒక ప్రశాంతత, పవిత్రత ఉన్నాయి. ఆ పవిత్రతకు భంగం కలిగినప్పుడు మనసుకు బాధగా అనిపిస్తుంది" అని జతిన్ శ్రోతలను కోరారు. పాటలోని ప్రాణాన్ని తీసేస్తున్న ఈ రీమిక్స్ సంస్కృతిని చూస్తుంటే సంగీత పరిశ్రమ భవిష్యత్తు ఎటు వెళ్తుందో అర్థం కావడం లేదని జతిన్ ఆందోళన వ్యక్తం చేశారు.
రీమిక్స్ పేరిట నాశనం
ప్రస్తుతం బాలీవుడ్లో పాత క్లాసిక్ పాటలను రీమిక్స్ పేరిట నాశనం చేస్తున్నారనే విమర్శలు బలంగా వినిపిస్తున్నాయి. సృజనాత్మకత లోపించి, పాత పాటల పాపులారిటీని క్యాష్ చేసుకోవడానికి ఇలాంటి ప్రయత్నాలు చేస్తున్నారని మ్యూజిక్ లవర్స్ కూడా పెదవి విరుస్తున్నారు.
నిహారిక ఎన్ఎమ్ సినిమాలు
ఇదిలా ఉంటే, నిహారిక ఎన్ఎమ్ సోషల్ మీడియా ఇన్ఫ్ల్యూయెన్సర్గా, కంటెంట్ క్రియేటర్గా ఫుల్ క్రేజ్ తెచ్చుకుంది. మహేశ్ బాబు, యశ్, అడివి శేష్ వంటి స్టార్ హీరోలతో మూవీ ప్రమోషన్స్ చేస్తూ ఫుల్ వైరల్ అయింది. అలాంటి నిహారిక ఎన్ఎమ్ తమిళ సినిమా పెరుసుతో నటిగా తెలుగు మూవీ మిత్ర మండలి ద్వారా హీరోయిన్గా అరంగేట్రం చేసింది.