Peddi TV Premiere: ఓటీటీ రిలీజైన 3 నెలలకు బుల్లితెరపై రామ్ చరణ్ పెద్ది టీవీ ప్రీమియర్.. ఎప్పుడు, ఎక్కడ చూడాలంటే?

Ram Charan Peddi Worldwide TV Premiere: గ్లోబల్ స్టార్ రామ్ చరణ్, జాన్వీ కపూర్ జంటగా నటించిన స్పోర్ట్స్ యాక్షన్ డ్రామా 'పెద్ది' బుల్లితెరపైకి వచ్చేస్తోంది. బుచ్చిబాబు సాన మార్క్ డైరెక్షన్, జాన్వీ కపూర్ గ్లామర్‌తో సాగిన పెద్ది ఓటీటీ రిలీజైన 3 నెలలకు వరల్డ్ టెలివిజన్ ప్రీమియర్‌గా ప్రసారం కానుంది.

Ram Charan Peddi Worldwide TV Premiere: గ్లోబల్ స్టార్ రామ్ చరణ్ కథానాయకుడిగా నటించిన రూరల్ స్పోర్ట్స్ యాక్షన్ డ్రామా చిత్రం 'పెద్ది'. థియేటర్లలో ప్రేక్షకులను ఆకట్టుకున్న ఈ స్పోర్ట్స్ యాక్షన్ డ్రామా ఇప్పుడు బుల్లితెరపై అలరించేందుకు సిద్ధమైంది.

ఓటీటీ రిలీజైన 3 నెలలకు బుల్లితెరపై రామ్ చరణ్ పెద్ది టీవీ ప్రీమియర్.. ఎప్పుడు, ఎక్కడ చూడాలంటే?

తన మార్క్ డైరెక్షన్‌తో

'ఉప్పెన' వంటి సంచలన విజయంతో టాలీవుడ్‌లో తనదైన మార్క్ వేసుకున్న ప్రతిభావంతుడైన దర్శకుడు బుచ్చిబాబు సాన పెద్ది చిత్రాన్ని తెరకెక్కించిన విషయం తెలిసిందే. వృద్ధి సినిమాస్, సుకుమార్ రైటింగ్స్ బ్యానర్లపై ఎంతో ప్రతిష్టాత్మకంగా ఈ చిత్రం రూపొందింది.

క్రీడలు, గ్రామీణ నేపథ్యం, కుటుంబ అనుబంధాలు, భావోద్వేగాలు కలబోసిన కథాంశంతో రూపుదిద్దుకున్న 'పెద్ది'.. జీవితంలో ఎదురయ్యే ప్రతికూల పరిస్థితులను తట్టుకుని ఆత్మవిశ్వాసంతో గెలుపు తీరాలకు చేరే ఓ సామాన్య యువకుడి ఆవేశం, ఆరాటాన్ని చూపిస్తుంది.

గేమ్‌ఛేంజింగ్ రోల్‌లో రామ్ చరణ్.. జాన్వీ కపూర్ కెమిస్ట్రీ!

పెద్ది సినిమాలో రామ్ చరణ్ తన నటనా విశ్వరూపాన్ని చూపించాడు. స్పోర్ట్స్ బ్యాక్‌డ్రాప్‌లో సాగే కథలో 'పెద్ది'గా రామ్ చరణ్ పండించిన ఆవేశం, భావోద్వేగాలు, క్రీడాకారుడిగా పడిన శ్రమ ప్రతి ఒక్కరినీ కట్టిపడేస్తాయి. క్లిష్టమైన పరిస్థితుల్లో తన లక్ష్యం కోసం పోరాడే యోధుడిలా రామ్ చరణ్ కనిపిస్తాడు.

ఇక రామ్ చరణ్ సరసన బాలీవుడ్ ముద్దుగుమ్మ జాన్వీ కపూర్ హీరోయిన్‌గా నటించి అందాలతో తెలుగు ప్రేక్షకుల మనసు దోచుకుంది. రామ్ చరణ్, జాన్వీ కపూర్ ఇద్దరి మధ్య సాగే ప్రేమ సన్నివేశాలు సినిమాకు ప్రత్యేక ఆకర్షణగా నిలిచాయి.

తారల తోట.. శివ రాజ్‌కుమార్, జగపతిబాబుల పవర్‌ఫుల్ నటన!

వీరితోపాటు పెద్ది చిత్రంలో అగ్రతారలు నటించి మెప్పించారు. కన్నడ సూపర్ స్టార్ శివ రాజ్‌కుమార్, విలక్షణ నటుడు జగపతి బాబు, బాలీవుడ్ యాక్టర్ దివ్యేందు శర్మ వంటి ప్రముఖులు కీలక పాత్రల్లో ఒదిగిపోయారు. క్రీడా మైదానంలో సాగే ఉత్కంఠభరిత సన్నివేశాలతో పాటు, మనసును హత్తుకునే కుటుంబ అనుబంధాలు, పట్టుదల, లక్ష్య సాధన అనే అంశాలను దర్శకుడు బుచ్చిబాబు ఆకట్టుకునేలా తీర్చిదిద్దారు.

ఈ ఆదివారం టీవీ స్క్రీన్ల ముందుకు రామ్ చరణ్ పెద్ది!

ఇంత మంచి క్రేజ్ తెచ్చుకున్న పెద్ది బుల్లితెరపై సందడి చేయడానికి రెడీగా ఉంది. అక్టోబర్ 11, ఆదివారం సాయంత్రం 5 గంటలకు ప్రముఖ ఎంటర్‌టైన్‌మెంట్ ఛానల్ 'జీ తెలుగు'లో పెద్ది వరల్డ్ టీవీ ప్రీమియర్‌గా ప్రసారం కానుంది. బుల్లితెర వీక్షకులకు దసరా పండుగ తర్వాతి వారంలో మరో భారీ వినోద విందును అందించేందుకు జీ తెలుగు పూర్తి ఏర్పాట్లు చేసింది.

ఇప్పటికే నెట్‌ఫ్లిక్స్‌లో పెద్ది ఓటీటీ రిలీజ్ అయింది. జూలై 9 నుంచి తెలుగు, తమిళం, కన్నడ, మలయాళం వంటి 4 భాషల్లో నెట్‌ఫ్లిక్స్‌లో పెద్ది ఓటీటీ స్ట్రీమింగ్ అవుతోంది. ఆ తర్వాత జూలై 30న నెట్‌ఫ్లిక్స్ ఓటీటీలో పెద్ది హిందీ వెర్షన్ కూడా విడుదలైంది.

ఓటీటీ తర్వాత బుల్లితెరపై

ఓటీటీ రిలీజ్ అయిన 3 నెలలకు పెద్ది టీవీ ప్రీమియర్ కానుంది. థియేటర్లలో రికార్డు స్థాయి వసూళ్లు సాధించిన పెద్ది ఇప్పుడు బుల్లితెరపై ఏ స్థాయిలో టీఆర్‌పీ (TRP) రికార్డులను సృష్టిస్తుందో వేచి చూడాలి. అయితే, వీకెండ్‌లో కుటుంబ సమేతంగా టీవీలో చూడదగ్గ సినిమాగా పెద్ది రానుంది.