Yuddham Sei OTT Release In 2 Platforms: రాత్రివేళ నిశ్శబ్దం, వర్షంలో తడిసిన చెన్నై వీధులు, అక్కడ అందంగా ప్యాక్ చేసిన బహుమతుల బాక్సుల్లో కనిపించే మనుషుల నరికిన చేతులు.. సన్నివేశం వినడానికే ఒళ్లు గగుర్పాటుకు గురిచేస్తోంది కదూ?
సీటు అంచున కూర్చోబెట్టేలా
ఇలా సీటు అంచున కూర్చోబెట్టే ఆద్యంతం ఉత్కంఠభరిత అనుభూతిని ఇచ్చే సినిమా 'యుద్ధం సేయి' (Yutham Sei). సాధారణ క్రైమ్ థ్రిల్లర్లలో పోలీస్ ఆఫీసర్ అనగానే గాల్లోకి వాహనాలను లేపుతూ, భారీ డైలాగులు పేల్చే సీన్లు గుర్తుకొస్తాయి. కానీ ఈ చిత్రంలో డిటెక్టివ్ కథ పూర్తిగా వేరుగా ఉంటుంది.
అసలు ఏమిటీ 'యుద్ధం సెయ్'?
వైవిధ్యమైన సినిమాలకు పేరుగాంచిన తమిళ దర్శకుడు మిస్కిన్ (Mysskin) తెరకెక్కించిన ఈ సైకలాజికల్ క్రైమ్ థ్రిల్లర్ యుద్ధం సేయి బాక్సాఫీస్ వద్ద సంచలన విజయం సాధించింది. ఇందులో డిటెక్టివ్ జేకే పాత్రలో ప్రముఖ దర్శకుడు, నటుడు చేరన్ జీవించినంతంగా నటించారు.
ఒకవైపు కనిపించకుండా పోయిన తన సొంత చెల్లెలి కోసం మానసికంగా నరకం అనుభవిస్తూనే, మరోవైపు నగరంలో వరుసగా జరుగుతున్న దారుణ హత్యల గుట్టు విప్పే బాధ్యతను జేకే చేపడతారు. దర్యాప్తు ముందుకు సాగే కొద్దీ అతడికి ఎదురయ్యే నిజాలు తీవ్ర దిగ్భ్రాంతికి గురిచేస్తాయి.
సూపర్ కాప్ కాదు.. మనలాంటి సగటు మనిషి!
యుద్ధం సేయి సినిమా ప్రత్యేకత కథానాయకుడి పాత్ర రూపకల్పనలోనే ఉంది. జేకే ఏమీ తిరుగులేని వీరుడు కాదు. అతడికి సొంత బలహీనతలు ఉన్నాయి, తీవ్రమైన మానసిక ఆందోళన ఉంది. ప్రతీ సమస్యకు డిటెక్టివ్ రౌడీలను గాల్లోకి లేపుతూ సమాధానం చెప్పడు.
అన్యాయాన్ని ప్రశ్నించే క్రమంలో ఒక సగటు మనిషి పడే వేదనను తెరపై అద్భుతంగా ఆవిష్కరించారు. చెన్నై నగరంలోని ఇరుకు సందులు, చీకటి వీధులు, నిశ్శబ్దంతో కూడిన వాతావరణం కథలోని నిగూఢమైన సస్పెన్స్ను మరింత రెట్టింపు చేస్తాయి.
వ్యవస్థ వైఫల్యంపై సంధించిన ప్రశ్నలు
{{/usCountry}}అన్యాయాన్ని ప్రశ్నించే క్రమంలో ఒక సగటు మనిషి పడే వేదనను తెరపై అద్భుతంగా ఆవిష్కరించారు. చెన్నై నగరంలోని ఇరుకు సందులు, చీకటి వీధులు, నిశ్శబ్దంతో కూడిన వాతావరణం కథలోని నిగూఢమైన సస్పెన్స్ను మరింత రెట్టింపు చేస్తాయి.
వ్యవస్థ వైఫల్యంపై సంధించిన ప్రశ్నలు
{{/usCountry}}కథ కేవలం హంతకుడిని పట్టుకోవడంతోనే ముగిసిపోదు. రాజకీయ అవినీతి, అధికార దుర్వినియోగం, చట్టంలోని లోపాలను ఈ చిత్రం ఎత్తిచూపుతుంది. "వ్యవస్థే బాధితులకు న్యాయం చేయలేనప్పుడు, సగటు మనిషి చట్టాన్ని చేతుల్లోకి తీసుకుంటే తప్పేంటి?" అనే బలమైన ప్రశ్నను ఈ సినిమా ద్వారా దర్శకుడు మన ముందు ఉంచారు.
థ్రిల్ పంచే నైజం ఉన్న ఫైట్ సీన్లు, సంగీత దర్శకుడు 'కె' అందించిన నేపథ్య సంగీతం సినిమాకు ప్రాణం పోశాయి. ఈ సినిమా విడుదలై దాదాపు 15 ఏళ్లు కావస్తున్నా, ఇప్పటికీ ఈ చిత్రం క్రైమ్ థ్రిల్లర్ ప్రియులను విపరీతంగా ఆకట్టుకుంటోంది. కేవలం సస్పెన్స్ మాత్రమే కాకుండా ఆలోచింపజేసే కథాంశంతో సాగే ఈ క్రైమ్ థ్రిల్లర్ మూవీ లవర్స్ కచ్చితంగా చూడాల్సిన మాస్టర్పీస్.
యుద్ధం సేయి ఓటీటీ స్ట్రీమింగ్
ఇంతటీ క్రేజ్ తెచ్చుకున్న యుద్ధం సేయి సినిమాకు ఐఎమ్డీబీ (IMDb)లో 7.9 రేటింగ్ లభించింది. అలాగే, 83 శాతం ఫ్రెష్ కంటెంట్గా సర్టిఫికెట్ పొందింది. ఇలాంటి సైకలాజికల్ క్రైమ్ థ్రిల్లర్ యుద్ధం సేయి ఓటీటీలో ఆకట్టుకుంటోంది.
యుద్ధం సేయి రెండు ఓటీటీల్లో అందుబాటులో ఉంది. జియో హాట్స్టార్లో యుద్ధం సేయి (Yuddham Sei) పేరుతో ఓటీటీ స్ట్రీమింగ్ అవుతోంది. జీ5లో కూడా యుద్ధం సేయి ఓటీటీ రిలీజ్ అయింది. అయితే, జీ5 ఓటీటీలో క్రైమ్ కేస్ 99 టైటిల్తో అందుబాటులో ఉంది. ఇలా రెండు డిఫరెంట్ టైటిల్స్తో 2 ఓటీటీల్లో యుద్ధం సేయి సినిమాను చూడొచ్చు.