Gunde Ninda Gudi Gantalu: ఓటీటీ సిరీస్ కోసం గుండె నిండా గుడి గంటలు బాలు- స్టార్ క్యాబ్ డ్రైవర్‌గా విష్ణుకాంత్- ఎక్కడంటే?

Gunde Ninda Gudi Gantalu Balu In OTT Series Part Timers: స్టార్ మా సీరియల్ గుండె నిండా గుడి గంటలులో బాలుగా ఎంతోమంది బుల్లితెర అభిమానులను సంపాదించుకున్న విష్ణుకాంత్ తెలుగు ఓటీటీ సిరీస్ పార్ట్ టైమర్స్ కోసం రంగంలోకి దిగాడు. మరి ఆ పార్ట్ టైమర్స్ ఓటీటీ స్ట్రీమింగ్ ఎక్కడ, ఏంటీ వివరాలపై ఓ లుక్కేద్దాం.

Gunde Ninda Gudi Gantalu Balu In OTT Series Part Timers: తెలుగు బుల్లితెర ప్రపంచంలో అధిక వ్యూస్‌తో దూసుకుపోతున్న సీరియళ్లలో గుండె నిండా గుడి గంటలు ఒకటి. స్టార్ మా ఛానెల్‌లో ప్రసారం అవుతున్న గుండె నిండా గుడి గంటలు సీరియల్‌లో హీరో బాలు పాత్రకు ఎంతోమంది అభిమానులు ఉన్నారు.

బాలుగా విష్ణుకాంత్ క్రేజ్

ఓటీటీ సిరీస్ కోసం గుండె నిండా గుడి గంటలు బాలు- స్టార్ క్యాబ్ డ్రైవర్‌గా విష్ణుకాంత్- ఎక్కడంటే?

తండ్రికి బాధ్యతగల కొడుకుగా, భార్యకు ఓ మంచి భర్తగా, ద్వేషించే తల్లిని సైతం ప్రేమగా చూసే కొడుకుగా, క్యాబ్ డ్రైవర్‌గా అన్ని ఎమోషన్స్ పండించే ఈ బాలు పాత్రకు ఎనలేని క్రేజ్ ఉంది. ఆ పాత్రకు అంత క్రేజ్ రావడానికి కారణం నటుడు విష్ణుకాంత్.

గుండె నిండా గుడి గంటలు సీరియల్‌లో బాలుగా తన నటనతో అనేక మంది బుల్లితెర అభిమానులను సంపాదించుకున్నాడు విష్ణుకాంత్. అలాంటి విష్ణుకాంత్ తెలుగు ఓటీటీ సిరీస్ కోసం రంగంలోకి దిగాడు. అదే పార్ట్ టైమర్స్. బిగ్ బాస్ తెలుగు 9 రన్నరప్, సీరియల్ హీరోయిన్ తనూజ పుట్టస్వామి ఓటీటీ ఎంట్రీ ఇచ్చిన సిరీస్ కూడా ఇదే.

లేడి ఓరియెంటెడ్ కామెడీ డ్రామా

ఈ పార్ట్ టైమర్స్ ఓటీటీ సిరీస్‌లో తనూజతోపాటు టాలీవుడ్ నటి జ్ఞానేశ్వరి కాండ్రేగుల కూడా మరో ప్రధాన పాత్ర పోషిస్తోంది. తనూజ, జ్ఞానేశ్వరి కాండ్రేగుల ఇద్దరు మెయిన్ లీడ్ రోల్స్‌లో నటించిన లేడి ఓరియెంటెడ్ కామెడీ డ్రామా వెబ్ సిరీసే ఈ పార్ట్ టైమర్స్.

పార్ట్ టైమర్స్ సిరీస్‌లో ఇద్దరు హీరోయిన్లు ఒక ట్రావెల్ యాప్ రన్ చేస్తారు. అందుకోసం బ్రాండ్ అంబాసిడర్‌గా స్టార్ క్యాబ్ డ్రైవర్ అనే పేరున్న బాలును అప్రోచ్ అవుతారు. బాలుతో యాప్ ప్రమోషనల్ షూట్ చేస్తారు. ఇంట్రావర్ట్ అయిన తనూజ పాత్రకు షూట్ నచ్చితే.. ఎక్స్‌ట్రావర్ట్ అయిన జ్ఞానేశ్వరికి నచ్చదు.

తనూజ ఓకే అంటే.. జ్ఞానేశ్వరి కాండ్రేగుల మాత్రం అలా, ఇలా చేయాలంటూ సలహాలు ఇస్తుంది. ఈ క్రమంలోనే తనుజ, జ్ఞానేశ్వరి కాండ్రేగుల ఇద్దరు పోట్లాడుతుంటారు. అదంతా చూసిన బాలు మీరు కుదురుగా ఓ ప్రమోషనల్ షూటే చేయలేకపోతున్నారు, ఇద్దరు కలిసి ఓ స్టార్టప్ ఎలా నడుపుతరాని ఎద్దేవా చేస్తాడు.

జియో హాట్‌స్టార్ ఓటీటీలో పార్ట్ టైమర్స్

వాళ్లు నడుపుతామని ధీమాగా చెబుతారు. అది కూడా చూస్తానని బాలు వెళ్లిపోతాడు. అలా పార్ట్ టైమర్స్‌లో తనూజ పుట్టస్వామి, జ్ఞానేశ్వరి కాండ్రేగులతో సాగే కథ ఎలా ఉంటుందో బాలు ద్వారా చెప్పించారు. దీనికి సంబంధించిన 3 నిమిషాల ప్రమోషనల్ వీడియో సోషల్ మీడియాలో వైరల్ అవుతోంది.

ఇలా పార్ట్ టైమర్స్ ఓటీటీ సిరీస్ కోసం గుండె నిండా గుడి గంటలు బాలు రంగంలోకి దిగి ఆకట్టుకున్నాడు. మరి రేపటి (ఆగస్ట్ 28) నుంచి జియో హాట్‌స్టార్ ఓటీటీలో స్ట్రీమింగ్ కానున్న తెలుగు వెబ్ సిరీస్ పార్ట్ టైమర్స్ ఏ విధంగా ఆకట్టుకుంటుందో చూడాలి.