TV OTT: టీవీ, ఓటీటీలో దివాళి ధమాకా- యాంకర్ సుమ స్పెషల్ షో- నారా లోకేశ్ పర్సనల్ లైఫ్ సీక్రెట్స్- మానస వారణాసి, నివేదాతో!

Kutumbam Awards Part 2 TV Premiere Jayammu Nischayammu Raa 2 OTT: దీపావళి పండుగ సందడిని మరింత పెంచేందుకు జీ తెలుగు, జీ5 ఓటీటీ ముందుకొచ్చాయి. ఈ వారాంతంలో ‘కుటుంబం అవార్డ్స్ 2026 పార్ట్-2’ టీవీ ప్రీమియర్ కావడంతోపాటుగా మంత్రి నారా లోకేశ్ పాల్గొనే ‘జయమ్ము నిశ్చయమ్మురా 2’ షో ఓటీటీ స్ట్రీమింగ్ అవనుంది.

Kutumbam Awards Part 2 TV Premiere Jayammu Nischayammu Raa 2 OTT: తెలుగు బుల్లితెర ప్రేక్షకులకు ఈ దీపావళి పండుగ వేళ డబుల్ ధమాకా వినోదాన్ని పంచేందుకు జీ తెలుగు సిద్ధమైంది. అంగరంగ వైభవంగా సాగే అవార్డుల వేడుక ఒకవైపు, పాలిటిక్స్ విత్‌ ఎంటర్‌టైన్‌మెంట్ కాంబినేషన్‌లో సాగే స్పెషల్ టాక్ షో మరొకవైపు ప్రేక్షకులను అలరించనున్నాయి.

టీవీ, ఓటీటీలో దివాళి ధమాకా- యాంకర్ సుమ స్పెషల్ షో- నారా లోకేశ్ పర్సనల్ లైఫ్ సీక్రెట్స్- మానస వారణాసి, నివేదాతో!

పండుగ సీజన్ టార్గెట్ చేస్తూ

నవంబర్ 7, 8 తేదీల్లో ప్రసారం కానున్న ఈ ప్రత్యేక కార్యక్రమాలు బుల్లితెర ప్రియులకు దివాళఇ పండగ వాతావరణాన్ని ముందే తీసుకురానున్నాయి. తెలుగు రాష్ట్రాల్లో పండుగ రోజుల్లో టీవీ వినోదానికి ఎప్పుడూ భారీ ఆదరణ ఉంటుంది. కుటుంబ సమేతంగా కూర్చుని చూసే షోలు రేటింగ్స్‌లో కొత్త రికార్డులు సృష్టిస్తాయి. అందుకే ఈ పండుగ సీజన్‌ను టార్గెట్ చేస్తూ సినీ, రాజకీయ ప్రముఖుల కాంబినేషన్‌తో జీ తెలుగు భారీ ప్లాన్ రూపొందించింది.

బుల్లితెర నక్షత్రాల కోలాహలం: కుటుంబం అవార్డ్స్ పార్ట్-2

నవంబర్ 7 (శనివారం) సాయంత్రం 5 గంటలకు ‘జీ తెలుగు కుటుంబం అవార్డ్స్ 2026 పార్ట్-2’ టీవీ ప్రీమియర్ కానుంది. బుల్లితెర మహారాణి యాంకర్ సుమ కనకాల ఈ వేడుకకు వ్యాఖ్యాతగా వ్యవహరిస్తున్నారు. టెలివిజన్ రంగంలో సుమ 25 ఏళ్ల సుదీర్ఘ ప్రయాణాన్ని పురస్కరించుకుని ప్రత్యేకంగా డిజైన్ చేసిన ఘనమైన పరిచయ ఘట్టంతో ఈ కార్యక్రమం ప్రారంభమవుతుంది.

అవార్డ్స్ క్యాటగిరీలు

ఈ వేడుకలో మహానాయకుడు, ఐకానిక్ కపుల్, లవర్ బాయ్ ఆఫ్ జీ తెలుగు, సూపర్ క్వీన్, పాపులర్ ఫేస్ ఆఫ్ ప్రైమ్ టైమ్, ఉత్తమ కథానాయకుడు, నవనాయకి, ఉత్తమ కోడలు వంటి విభిన్న విభాగాల్లో నటీనటులకు అవార్డులు అందజేస్తారు.

బుల్లితెర షోకి వెండితెర తారలు

ఈ అవార్డుల రాత్రికి సినీ రంగం నుంచి బాబు మోహన్, లయ, రాజీవ్ కనకాల, శివ బాలాజీ, మధుమిత, బ్రహ్మాజీ, బాబా భాస్కర్, హీరోయిన్లు నివేదా పేతురాజ్, గెహనా సిప్పీ, మానస వారణాసి వంటి సెలబ్రిటీలు హాజరై సందడి చేశారు. నటీనటుల రంగురంగుల డాన్స్ పెర్ఫార్మెన్స్‌లు, అభిమానుల సర్‌ప్రైజ్‌లు ఈ ఎపిసోడ్‌కు ప్రధాన ఆకర్షణగా నిలవనున్నాయి.

జగపతి బాబుతో మంత్రి నారా లోకేశ్ ముచ్చట్లు

ఇక పండుగ మరుసటి రోజు నవంబర్ 8 (ఆదివారం) రాత్రి 7:30 గంటలకు ‘జయమ్ము నిశ్చయమ్మురా సీజన్ 2’ ప్రత్యేక ఎపిసోడ్ ఓటీటీ స్ట్రీమింగ్ కానుంది. ఈ టాక్ షోలో ఆంధ్రప్రదేశ్ ఐటీ, విద్యుత్ శాఖల మంత్రి నారా లోకేశ్ ప్రత్యేక అతిథిగా పాల్గొన్నారు.

విద్యార్థి రోజులు, రాజకీయ ప్రయాణం

వర్సటైల్ నటుడు జగపతి బాబు ఈ కార్యక్రమానికి వ్యాఖ్యాతగా వ్యవహరిస్తున్నారు. సాధారణ రాజకీయ వేదికలపై కనిపించే నారా లోకేశ్‌ను ఈ షోలో పూర్తి భిన్నమైన కోణంలో చూడవచ్చు. తన వ్యక్తిగత జీవితం, విద్యార్థి రోజులు, ఇష్టాయిష్టాలు, రాజకీయ ప్రయాణంలో ఎదురైన అనుభవాలను జగపతి బాబుతో లోకేశ్ పంచుకున్నారు.

జీ5 ఓటీటీలో కూడా

వెండితెర స్టార్, పాలిటిక్స్ లీడర్ మధ్య సాగిన ఈ సరదా సంభాషణ ప్రేక్షకులలో ఆసక్తిని రేకెత్తిస్తోంది. ఈ షో జీ5 ఓటీటీలో కూడా ప్రసారం కానుంది. మొత్తానికి శని, ఆదివారాల్లో బ్యాక్ టు బ్యాక్ ఎంటర్‌టైన్‌మెంట్ అందించేందుకు జీ తెలుగు, జీ5 ఓటీటీ రెండు పూర్తి స్థాయిలో లైన్‌అప్ సిద్ధం చేశాయి.