Top 7 OTT Horror Movies To Watch This Week: వారాంతం వచ్చిందంటే చాలు సస్పెన్స్, హారర్ ఎలిమెంట్స్ ఉండే చిత్రాలను వీక్షించేందుకు ఓటీటీ ప్రియులు ఆసక్తి చూపుతుంటారు. ఈ వారం ఓటీటీలోకి హారర్ థ్రిల్లర్స్కు సర్వైవల్, బ్లాక్ కామెడీ వంటి అదనపు హంగులు అద్ది టాప్ 7 ఇంట్రెస్టింగ్ సినిమాలు స్ట్రీమింగ్కు వచ్చాయి.
టాప్ 7 ఓటీటీ హారర్ థ్రిల్లర్స్
తెలుగు డబ్బింగ్తో అందుబాటులోకి వచ్చిన చిత్రాలతో పాటు అంతర్జాతీయ స్థాయిలో గుర్తింపు పొందిన ఈ టాప్ 7 ఓటీటీ హారర్ థ్రిల్లర్ సినిమాల స్టోరీలు, వాటిని ఎందుకు చూడాలో చెప్పే కారణాలు, ఐఎమ్డీబీ రేటింగ్తోపాటు తెలుసుకుందాం.
అమెజాన్ ప్రైమ్ వీడియో: మైండ్ బ్లోయింగ్ హారర్ లైనప్
ది వాకింగ్ డెడ్: డెడ్ సిటీ సీజన్ 3
పోస్ట్ అపోకలిప్టిక్ ప్రపంచంలో జాంబీల బీభత్సాన్ని ప్రతిబింబించే ఈ ఓటీటీ సిరీస్ ప్రేక్షకులకు నిద్ర లేకుండా చేయడం ఖాయం అని చెప్పొచ్చు. మ్యాగీ, నెగన్ పాత్రల మధ్య సాగే ఉత్కంఠభరిత పోరాటం ఈ సీజన్లో మరో స్థాయికి చేరింది. హారర్ డ్రామాలు, సర్వైవల్ సీన్లు ఇష్టపడేవారికి ఇది పర్ఫెక్ట్ ఛాయిస్.
ఐఎమ్డీబీ రేటింగ్: 7.2/10
ఎందుకు చూడాలి?: విజువల్ ఎఫెక్ట్స్, జాంబీ దాడి సన్నివేశాలు థ్రిల్లింగ్, గూస్బంప్స్ తెప్పిస్తాయి.
ఘోస్ట్ ట్రైన్ (తెలుగు డబ్బింగ్)
దక్షిణ కొరియా హారర్ చిత్రాలకు ప్రపంచవ్యాప్తంగా మంచి క్రేజ్ ఉంది. అర్థరాత్రి ఒక నిగూఢమైన రైలు ప్రయాణంలో జరిగే భయానక సంఘటనల సమాహారంగా ఈ సెమీ ఆంథాలజీ చిత్రం రూపొందింది.
ఐఎమ్డీబీ రేటింగ్: 6.5/10
{{/usCountry}}ఐఎమ్డీబీ రేటింగ్: 6.5/10
{{/usCountry}}ఎందుకు చూడాలి?: సైకలాజికల్ థ్రిల్, ఊహించని జంప్ స్కేర్స్, డిఫరెంట్ కాన్సెప్ట్తో ఈ కొరియన్ హారర్ థ్రిల్లర్ సినిమా అభిమానులను అలరిస్తుంది.
ది డెవిల్స్ మౌత్ (తెలుగు డబ్బింగ్)
సముద్రపు లోతుల్లోని గుహల్లో చిక్కుకున్న కొంతమంది స్నేహితులు అక్కడి క్రూరమైన జీవుల నుంచి ఎలా ప్రాణాలు దక్కించుకున్నారనేది ఈ కథనం. చీకటి గుహలో రాక్షస చేప సాగించే వేట వణుకుపుట్టిస్తుంది.
ఐఎమ్డీబీ రేటింగ్: 6.1/10
ఎందుకు చూడాలి?: ఊపిరి బిగబట్టించే సర్వైవల్ హారర్ సీన్లు, అడ్వెంచర్ ఎలిమెంట్స్, ఫ్రెండ్షిప్, లవ్, మోసం వంటి అంశాలు ఈ చిత్రానికి ప్రధాన బలం.
కిక్కించే హారర్ సస్పెన్స్ డ్రామాలు:
బ్లడీ స్మార్ట్ (నెట్ఫ్లిక్స్)
మాండరిన్ భాషలో వచ్చిన ఈ డార్క్ ఫాంటసీ సిరీస్ మిస్టరీ, మంత్ర శక్తుల నేపథ్యంతో సాగుతుంది. ఒక వింత రహస్యాన్ని ఛేదించే క్రమంలో పాత్రలకు ఎదురయ్యే అనుభవాలు వెన్నులో వణుకు పుట్టిస్తాయి.
ఐఎమ్డీబీ రేటింగ్: 6.8/10
ఎందుకు చూడాలి?: సరికొత్త కాన్సెప్ట్, డార్క్ ఫాంటసీ ఎలిమెంట్స్ థ్రిల్ కలిగిస్తాయి.
షేక్, రాటిల్ అండ్ రోల్ ఈవిల్ ఆర్జిన్స్ (నెట్ఫ్లిక్స్)
దుష్ట శక్తులు, దెయ్యాల పుట్టుక ఆధారంగా తెరకెక్కిన ఈ ఆంథాలజీ చిత్రం హారర్ లవర్స్కు మంచి విందు ఇస్తుంది.
ఐఎమ్డీబీ రేటింగ్: 5.9/10
ఎందుకు చూడాలి?: వేర్వేరు కథలతో సాగే దెయ్యాల సన్నివేశాలు భయాన్ని కలిగిస్తాయి.
చుమ్ (లయన్స్ గేట్ ప్లే - తెలుగు డబ్బింగ్)
సముద్రంలో చిక్కుకున్న తర్వాత షార్క్ల దాడి నుంచి బయటపడేందుకు సాగించే సుదీర్ఘ పోరాటమే 'చుమ్'. ఇది కూడా ది డెవిల్స్ మౌత్ వంటి అడ్వెంచర్ సర్వైవల్ ఎలిమెంట్స్తో సాగుతుంది.
ఐఎమ్డీబీ రేటింగ్: 6.3/10
ఎందుకు చూడాలి?: సముద్రపు అడుగున చిత్రీకరించిన అడ్వెంచర్, సర్వైవల్ డ్రామా, బోన్లో మనుషులను సొరచేపలకు ఆహారంగా పడేసే సీన్లు ప్రేక్షకులను కట్టిపడేస్తుంది.
ముబి ఓటీటీ ప్రత్యేక చిత్రం: ఏ యూజ్ఫుల్ ఘోస్ట్
సాధారణ దెయ్యాల సినిమాలకి భిన్నంగా థాయ్ భాషలో వచ్చిన ఈ బ్లాక్ కామెడీ హారర్ రొమాంటిక్ చిత్రం సరికొత్త అనుభూతిని ఇస్తుంది. చనిపోయిన భార్య ఆత్మగా మారి తన భర్తకు సహాయం చేయడం ఈ కథలో ముఖ్యాంశం.
ఐఎమ్డీబీ రేటింగ్: 6.7/10
ఎందుకు చూడాలి?: భయంతో పాటు కాస్త హాస్యం, అనురాగం కలబోసిన విభిన్నమైన కథాంశం. హారర్ సీన్లతోపాటు కాస్తా కామెడీ, రొమాంటిక్ ఎలిమెంట్స్ ఎంజాయ్ చేసేవారికి ఇది మంచి ఆప్షన్.
| సినిమా / వెబ్ సిరీస్ పేరు | ఓటీటీ ప్లాట్ఫామ్ | భాష & జోనర్ | ఓటీటీ రిలీజ్ డేట్ |
|---|---|---|---|
| ది వాకింగ్ డెడ్: డెడ్ సిటీ (సీజన్ 3) | అమెజాన్ ప్రైమ్ | ఇంగ్లీష్ (సైన్స్ ఫిక్షన్ జాంబీ హారర్) | జూలై 26 |
| ఏ యూజ్ఫుల్ ఘోస్ట్ | ముబి (Mubi) | థాయి (హారర్ రొమాంటిక్ ఫాంటసీ) | జూలై 26 |
| ఘోస్ట్ ట్రైన్ | అమెజాన్ ప్రైమ్ | తెలుగు డబ్బింగ్ - సౌత్ కొరియన్ (హారర్ మిస్టరీ) | జూలై 28 |
| బ్లడీ స్మార్ట్ | నెట్ఫ్లిక్స్ | మాండరిన్ (హారర్ డార్క్ ఫాంటసీ సిరీస్) | జూలై 28 |
| ది డెవిల్స్ మౌత్ | అమెజాన్ ప్రైమ్ | తెలుగు డబ్బింగ్ - ఇంగ్లీష్ (సర్వైవల్ థ్రిల్లర్) | జూలై 29 |
| షేక్, రాటిల్ అండ్ రోల్ ఈవిల్ ఆర్జిన్స్ | నెట్ఫ్లిక్స్ | ఇంగ్లీష్ (హారర్ అంథాలజీ) | జూలై 30 |
| చుమ్ | లయన్స్ గేట్ ప్లే | తెలుగు డబ్బింగ్ - ఇంగ్లీష్ (సర్వైవల్ థ్రిల్లర్) | జూలై 31 |
వీకెండ్కు బెస్ట్ ఆప్షన్
ఇలా ఈ వారం (జూలై 26 నుంచి ఆగస్ట్ 2 వరకు) చూసేందుకు టాప్ 7 ఇంట్రెస్టింగ్ హారర్ థ్రిల్లర్స్ ఓటీటీలోకి వచ్చాయి. వీటిలో 3 ఒక్క అమెజాన్ ప్రైమ్లో ఓటీటీ స్ట్రీమింగ్ అవుతున్నాయి. అలాగే, తెలుగులో కూడా 3 ఓటీటీ రిలీజ్ అయ్యాయి. కాబట్టి ఈ సినిమాలు ఈ వీకెండ్ చూసేందుకు బెస్ట్ ఆప్షన్.