health tips telugu photos

వైద్యుని సంప్రదించకుండా సొంతంగా యాంటీబయోటిక్స్ వాడటం వల్ల కలిగే నష్టాలపై కైలాష్ దీపక్ ఆసుపత్రి కన్సల్టెంట్ ఫిజిషియన్ డాక్టర్ మాన్సీ నిగమ్ హెచ్చరిస్తున్నారు. "చాలామంది వైరల్ ఫీవర్, ఫ్లూ వంటి సమస్యలకు కూడా ఎలాంటి డాక్టర్ సలహా లేకుండా ఓవర్ ది కౌంటర్ (ఓటీసీ)లో లభించే అజిత్రోమైసిన్ వంటి యాంటీబయోటిక్స్ వాడుతుంటారు. కానీ, యాంటీబయోటిక్స్ కేవలం బ్యాక్టీరియల్ ఇన్ఫెక్షన్లపై మాత్రమే పనిచేస్తాయి, వైరల్ ఇన్ఫెక్షన్లపై ఏమాత్రం ప్రభావం చూపవు. ఇలాంటి సమయంలో వాటిని వాడటం పూర్తిగా దండగ," అని డాక్టర్ మాన్సీ వివరించారు.

డోపమైన్ రీసెట్- మన ఫోన్‌లలోని యాప్‌లన్నీ మెదడులోని 'డోపమైన్' (రివార్డ్ సిస్టమ్) వ్యవస్థను టార్గెట్ చేసి డిజైన్ చేసినవే. ప్రతి మెసేజ్ లేదా లైక్ చూసినప్పుడు మెదడులో చిన్న మొత్తంలో డోపమైన్ విడుదలవుతుంది. దీనివల్ల "మరో నోటిఫికేషన్ చూద్దాం" అనే తీవ్రమైన కోరిక పుడుతుంది. డిజిటల్ డీటాక్స్ చేయడం వల్ల డోపమైన్ రీసెప్టర్లు మళ్లీ పునరుజ్జీవనం పొందుతాయి. దీనివల్ల దేనిపైనా అయినా సులభంగా దృష్టి సారించే సామర్థ్యం, స్వీయ నియంత్రణ పెరుగుతాయి.

హైదరాబాద్ అపోలో ఆసుపత్రికి చెందిన ప్రముఖ సీనియర్ న్యూరాలజిస్ట్ డాక్టర్ సుధీర్ కుమార్ ఈ విషయంపై శాస్త్రీయ ఆధారాలను వెల్లడించారు. ప్రపంచవ్యాప్తంగా 185 దేశాల్లో ఏకంగా 28 ఏళ్ల పాటు సాగిన ఒక భారీ అధ్యయనం వివరాలను ఆయన బయటపెట్టారు. "ఆహారంలో గుడ్లు ఎక్కువగా తీసుకునే వారిలో 'ఇస్కీమిక్ హార్ట్ డిసీజ్' (IHD) లేదా గుండెపోటు వచ్చే అవకాశాలు, దానివల్ల సంభవించే మరణాలు గణనీయంగా తక్కువగా ఉన్నట్లు ఈ అధ్యయనంలో తేలింది," అని డాక్టర్ సుధీర్ కుమార్ వివరించారు. సాధారణ భాషలో చెప్పాలంటే.. క్రమం తప్పకుండా గుడ్లు తినే వారిలో గుండెపోటు ముప్పు చాలా తక్కువగా ఉన్నట్లు ఈ పరిశోధన నిరూపించింది.

"నాకు గుండె జబ్బు రావడానికి ఇంకా చాలా చిన్న వయసు" అనే అపోహే చాలా మందిలో అతిపెద్ద భ్రమగా మారుతోంది. ఈ ఆలోచనే గుండె జబ్బుల ప్రారంభ లక్షణాలను గుర్తించకుండా చేస్తోంది. ముఖ్యంగా కుటుంబంలో గుండె జబ్బుల చరిత్ర ఉన్నవారు, డయాబెటిస్, హైపర్ టెన్షన్, ధూమపానం, ఊబకాయం, విపరీతమైన ఒత్తిడి ఉన్నవారు 20 ఏళ్ల వయసు నుంచే గుండె పరీక్షలు చేయించుకోవడం ప్రారంభించాలి.