తిరుమల లడ్డూ నెయ్యి కల్తీ కేసులో కీలక మలుపు చోటు చేసుకుంది. కల్తీ నెయ్యి సరఫరా వెనుక భారీ కుట్ర ఉన్నట్లు సిట్ గుర్తించింది. టీటీడీ మాజీ ఛైర్మన్ వైవీ సుబ్బారెడ్డి పీఏ చిన్న అప్పన్న అరెస్టుతో కీలక విషయాలు వెలుగులోకి వస్తున్నాయి. రిమాండ్ రిపోర్టులో కీలక అంశాలను ప్రస్తావించింది.
కల్తీ నెయ్యి కేసులో అప్పన్న ఏ- 24గా ఉన్నాడు. బుధవారం రాత్రి సిట్ అధికారులు అతడిని అరెస్ట్ చేయగా.. నెల్లూరులోని కోర్టులో ప్రవేశపెట్టారు. దీంతో కోర్టు అతడికి 14 రోజుల రిమాండ్ విధించింది. అయితే రిమాండ్ రిపోర్టులో సిట్ కీలక విషయాలను పేర్కొంది.
వెలుగులోకి కీలక విషయాలు…!
సిట్ రిమాండ్ రిపోర్ట్ ప్రకారం… 2022లో టీటీడీ కొనుగోళ్ల విభాగం జీఎంను అప్పన్న సంప్రదించారు. నెయ్యి సరఫరా చేసే భోలేబాబా డెయిరీ యాజమాన్యానికి ఫోన్ చేశాడు. ప్రతి కిలో నెయ్యిపై రూ.25 కమీషన్ (కేజీ రూ. 329) ఇవ్వాలని డిమాండ్ చేశాడు. కమీషన్ ఇవ్వడానికి భోలేబాబా డెయిరీ యాజమాన్యం నిరాకరించింది. దీంతో బోలేబాబా డెయిరీపై అనర్హత వేటు వేసేలా చిన్న అప్పన్న కుట్ర పన్నాడు. భోలేబాబా డెయిరీని తనిఖీ చేయాలంటూ టీటీడీ అధికారులపై ఒత్తిడి తీసుకువచ్చాడు. భోలేబాబా డెయిరీపై అనర్హతవేటు వేసేలా అజ్ఞాత వ్యక్తులతో పిటిషన్లు కూడా వేయించాడు.
చిన్నఅప్పన్న కుట్రతో బోలేబాబా డెయిరీ నుంచి నెయ్యి సేకరణ నిలిచిపోయింది. భోలేబాబా డెయిరీ స్థానంలో ప్రీమియర్ అగ్రి ఫుడ్స్ సంస్థ ప్రవేశించింది. భోలేబాబా కంటే కిలోకు రూ.138 ఎక్కువ (కేజీ 467) ప్రీమియర్ సంస్థ కోట్ చేసింది. పోటీ లేకపోవడంతో కాంట్రాక్టు దక్కించుకుంది. ఈ వ్యవహారంలో చిన్నఅప్పన్నకు రూ.50 లక్షల వరకు ముడుపులు ముట్టినట్లు సిట్ గుర్తించింది. అప్పన్న బ్యాంకు లావాదేవీలు పరిశీలించింది.
లడ్డూ నెయ్యి కల్తీ కేసులో మరిన్ని విషయాలను వెలుగులోకి తీసుకొచ్చేందుకు అప్పన్నను కస్టడీ కోరనుంది. ఇందుకోసం పిటిషన్ దాఖలు చేయనుంది. అప్పన్న విచారణతో మరికొందరిని నిందితులను విచారించే అవకాశం ఉంది.
{{/usCountry}}లడ్డూ నెయ్యి కల్తీ కేసులో మరిన్ని విషయాలను వెలుగులోకి తీసుకొచ్చేందుకు అప్పన్నను కస్టడీ కోరనుంది. ఇందుకోసం పిటిషన్ దాఖలు చేయనుంది. అప్పన్న విచారణతో మరికొందరిని నిందితులను విచారించే అవకాశం ఉంది.
{{/usCountry}}ఈ కేసులో సిట్ ముందుగా దాఖలు చేసిన ఛార్జ్ షీట్ లో 15 మందిని నిందితులుగా పేర్కొంది. ఇప్పుడు కొత్తగా 9 మందిని చేర్చింది. ఇందులో ఒకరిగా చిన్న అప్పన్న ఉన్నారు. కస్టడీలో సేకరించే సమాచారం ఆధారంగా సంచలన విషయాలు బయటికొచ్చే అవకాశం ఉంది.