జింబాబ్వేతో జరిగిన ట్రై సిరీస్ నాలుగో మ్యాచ్లో బాబర్ ఆజం తన అంతర్జాతీయ టీ20 కెరీర్లో 38వ అర్ధసెంచరీ సాధించాడు. దీంతో అతను విరాట్ కోహ్లీ ప్రపంచ రికార్డును సమం చేశాడు. టీ20ల్లో అత్యధిక అర్ధసెంచరీలు సాధించిన టాప్ 5 బ్యాట్స్మెన్ల వివరాలు ఇక్కడ ఉన్నాయి.
జింబాబ్వేపై 74 పరుగుల అద్భుతమైన ఇన్నింగ్స్తో పాకిస్థాన్ను ఫైనల్కు చేర్చడంలో కీలక పాత్ర పోషించాడు బాబర్. టీ20 ఇంటర్నేషనల్లో బాబర్ కు ఇది 38వ అర్ధసెంచరీ. దీంతో అతను విరాట్ కోహ్లీ ప్రపంచ రికార్డ్ను సమం చేశాడు.
టీ20 వరల్డ్ కప్ 2024 విజేతగా నిలిచిన తర్వాత ఈ ఫార్మాట్ కు కోహ్లి వీడ్కోలు పలికిన సంగతి తెలిసిందే. విరాట్ కోహ్లీ తన అంతర్జాతీయ టీ20 కెరీర్లో అత్యధికంగా 38 అర్ధసెంచరీలు సాధించాడు. అయితే, ఇప్పుడు బాబర్ ఈ కోహ్లి రికార్డును బ్రేక్ చేసే అవకాశముంది.
మాజీ భారత కెప్టెన్ రోహిత్ శర్మ 32 అర్ధసెంచరీలతో ఈ జాబితాలో మూడవ స్థానంలో ఉన్నాడు. రోహిత్ శర్మ తన టీ20 ఇంటర్నేషనల్ కెరీర్లో 151 ఇన్నింగ్స్లలో 32 అర్ధసెంచరీలు సాధించాడు.
పాకిస్థాన్ వికెట్ కీపర్ బ్యాట్స్మెన్ మహ్మద్ రిజ్వాన్ పేరు కూడా ఈ జాబితాలో ఉంది. రిజ్వాన్ తన టీ20 కెరీర్లో ఇప్పటివరకు 30 అర్ధసెంచరీలు సాధించాడు.
అంతర్జాతీయ క్రికెట్ నుండి రిటైర్మెంట్ తీసుకున్న డేవిడ్ వార్నర్ ఇప్పటికీ టాప్ 5 బ్యాట్స్మెన్ల జాబితాలో ఉన్నాడు. వార్నర్ తన టీ20 ఇంటర్నేషనల్ కెరీర్లో 28 అర్ధసెంచరీలు సాధించాడు. అతనితో పాటు, ఇంగ్లాండ్ మాజీ కెప్టెన్ జోస్ బట్లర్ కూడా ఈ ఫార్మాట్లో 28 ఫిఫ్టీలు సాధించాడు.