ఆంధ్రప్రదేశ్ ప్రభుత్వం పురాతన భారతీయ వైద్య విధానాన్ని ఆధునిక వైద్య విధానంతో అనుసంధానించాలని నిర్ణయించింది. శస్త్రచికిత్సలో సరైన శిక్షణ పొందిన పోస్ట్ గ్రాడ్యుయేట్ ఆయుర్వేద వైద్యులు స్వతంత్రంగా ఆపరేషన్లు చేపట్టడానికి ఆరోగ్య మంత్రి సత్య కుమార్ యాదవ్ ఆమోదం తెలిపారు. ఇండియన్ మెడిసిన్ సెంట్రల్ కౌన్సిల్, 2020, నేషనల్ కమిషన్ ఫర్ ఇండియన్ సిస్టమ్స్ ఆఫ్ మెడిసిన్ మార్గదర్శకాలకు అనుగుణంగా ఆయుర్వేద వైద్యులకు ఆరోగ్య మంత్రి తన సమ్మతిని తెలిపారు.
ప్రతీకాత్మక చిత్రం
{{^htLoading}} {{/htLoading}}
ఈ నిర్ణయంతో అర్హత కలిగిన ఆయుర్వేద వైద్యులు 39 శాతం జనరల్ సర్జరీ, 19 శాతం ENT (చెవి, ముక్కు, గొంతు), నేత్ర చికిత్సలు చేయవచ్చు. వీటిలో అంటు వ్యాధుల చికిత్సలు, గాయాలను కుట్టడం, పైల్స్, పగుళ్లు, చర్మ అంటుకట్టుట, ఇతర చికిత్సలు ఉన్నాయి. దీనికి సంబంధించి విధివిధానాలను కేంద్ర ప్రభుత్వం 2020లోనే విడుదల చేసిందన్నారు మంత్రి. గత ప్రభుత్వం ఎలాంటి చర్యలు చేపట్టలేదని చెప్పారు. ఆయుష్ సేవలను గత ప్రభుత్వం నిర్లక్ష్యం చేసిందని విమర్శించారు.
తదుపరి కార్యాచరణ ప్రణాళికపై ఆయుష్ శాఖ డైరెక్టర్ కె.దినేష్, ఇతరులతో ఆయన విస్తృతంగా చర్చలు జరిపారు. విజయవాడలోని డాక్టర్ ఎన్ఆర్ఎస్ ప్రభుత్వ ఆయుర్వేద కళాశాలతో పాటు రాష్ట్రంలో రెండు ప్రైవేట్ ఆయుర్వేద కళాశాలలు ఉన్నాయని అధికారులు మంత్రికి తెలియజేశారు. ప్రభుత్వ ఆయుర్వేద కళాశాలలో పోస్ట్ గ్రాడ్యుయేట్ కోర్సులను వెంటనే ప్రవేశపెట్టాలని, నాణ్యమైన విద్యను అందించడానికి చర్యలు తీసుకోవాలన్నారు మంత్రి. అవసరమైన ఆపరేషన్ థియేటర్లు, శస్త్రచికిత్సా పరికరాలు, ఇతర సదుపాయాలను కల్పించాలని సత్యకుమార్ యాదవ్ ఆదేశించారు.
ఈ మేరకు నైపుణ్య శిక్షణ పొందిన ఆయుర్వేద పీజీ వైద్యులు 58 రకాల శస్త్ర చికిత్సలను నిర్వహించడానికి రాష్ట్ర ప్రభుత్వం అనుమతి కల్పించినట్టైంది. భారతీయ కేంద్ర వైద్య మండలి మార్గదర్శకాలకు అనుగుణంగా ఈ నిర్ణయం తీసుకున్నారు. ఆపరేషన్ల నిర్వహణకు ఆయుర్వేద పీజీలకు శిక్షణ ఇస్తారు. ఆపరేషన్ థియేటర్లు, పరికరాలు సమకూర్చనుంది ప్రభుత్వం.
ఆనంద్ సాయి మాదాసు ప్రస్తుతం హిందుస్తాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్గా బాధ్యతలు నిర్వర్తిస్తున్నారు. డిజిటల్ మీడియాలో 9 ఏళ్లకుపైగా అనుభవం ఉంది. హెచ్టీ తెలుగులో చేరడం కంటే ముందు ఏబీపీ దేశంలో డిజిటల్ కంటెంట్ ప్రొడ్యూసర్గా పని చేశారు. మెుదట నవతెలంగాణ అనే దినపత్రికలో సబ్ఎడిటర్గా జర్నలిజం కెరీర్ మెుదలుపెట్టారు. ఆ తర్వాత కరీంనగర్లో ఈనాడు దినపత్రికలో కొంతకాలం సబ్ఎడిటర్గా బాధ్యతలు చూసుకున్నారు. కాకతీయ యూనివర్సిటీలో 2015-2017 పీజీ మాస్ కమ్యూనికేషన్ అండ్ జర్నలిజం చేశారు. ఈ సమయంలో మేడారం సమ్మక్క-సారలమ్మ జాతర కోసం ప్రత్యేకంగా క్యాంపస్ నుంచి పంపించిన టీమ్లో ఉన్నారు. పీజీ చదివే సమయంలోనే క్యాంపస్ రిక్రూట్మెంట్లో భాగంగా ఈటీవీ భారత్కు సెలక్ట్ అయ్యారు. అక్కడ ఆంధ్రప్రదేశ్ డెస్క్లో పని చేశారు. అంతేకాదు కొన్ని ప్రత్యేక స్టోరీలు కూడా ఈటీవీ భారత్ వెబ్సైట్ కోసం రాసేవారు. 2019 ఎన్నికల్లో ఎలక్షన్ డెస్క్ టీమ్లో ఉన్న నలుగురిలో ఆనంద్ సాయి ఒకరు. ఆ తర్వాత అక్కడ నుంచి ఏబీపీ దేశంలోకి వెళ్లి కొంతకాలం పని చేశారు. ఈ సమయంలో కూడా డిజిటల్ మీడియాకు తగినట్టుగా అనేక ప్రత్యేక కథనాలు రాశారు. హిందూస్తాన్ టైమ్స్ తెలుగులో 2022లో చేరారు. ఇక్కడ గతంలో నేషనల్, బిజినెస్, లైఫ్స్టైల్, ఎంటర్టైన్మెంట్, స్పోర్ట్స్ సెక్షన్లకు పనిచేశారు. ప్రస్తుతం ఆంధ్రప్రదేశ్, తెలంగాణ సెక్షన్లకు వార్తలు రాస్తున్నారు. అన్ని సెక్షన్లకు డిజిటల్ కంటెంట్ రైటర్గా పని చేసిన అనుభవం ఆయనకు ఉంది. అంతేకాదు ఈటీవీ భారత్, ఏబీపీ దేశం, హిందుస్తాన్ టైమ్స్ వెబ్సైట్స్ లాంచ్ టీమ్లో ఈయన ఉన్నారు. ప్రస్తుతం ఆంధ్రప్రదేశ్, తెలంగాణ రాజకీయ పరిణామాలు, విశ్లేషణలు, విద్య, ఉద్యోగ సమాచారంతో పాటు ఆసక్తికరమైన కథనాలను అందిస్తారు. ప్రభుత్వ పథకాలు, ఉద్యోగ నోటిఫికేషన్లు, ఇతర సమాచారం ప్రజలకు సులభంగా అర్థమయ్యే రీతిలో, వీలైనంత త్వరగా కథనాలను ఇవ్వటంలో ప్రత్యేక శైలి కలిగి ఉన్నారు. అనేకసార్లు హిందుస్తాన్ టైమ్స్ సంస్థ నుంచి ఇన్స్టా అవార్డులు అందుకున్నారు. డిజిటల్ మీడియాలో ఎక్కువకాలం పని చేసిన అనుభవం ఉంది. యూజర్లకు ఉపయోగపడే వార్తలను అందించడంలో ముందుంటారు.
