భారత టెన్నిస్ చరిత్రలో ఓ సువర్ణాధ్యాయం ముగిసింది. ఓ గోల్డెన్ ఎరాకు ఎండ్ కార్డు పడింది. దాదాపు రెండు దశాబ్దాలకు పైగా భారత టెన్నిస్ లో స్టార్ ప్లేయర్ గా కొనసాగిన రోహన్ బోపన్న రాకెట్ వదిలేశాడు. ప్రొఫెషనల్ టెన్నిస్ కు గుడ్ బై చెబుతున్నట్లు శనివారం (నవంబర్ 1) ప్రకటించాడు. దీంతో భారత టెన్నిస్ లో ఓ శకం ముగిసింది.
బోపన్న రిటైర్మెంట్
భారత టెన్నిస్లో సుదీర్ఘకాలం పాటు అగ్రగామిగా నిలిచిన రోహన్ బోపన్న.. రెండు దశాబ్దాలకు పైగా సాగిన తన అద్భుతమైన కెరీర్కు తెరదించాడు. శనివారం ప్రొఫెషనల్ క్రీడల నుండి రిటైర్మెంట్ ప్రకటించాడు. పారిస్ మాస్టర్స్ 1000 టోర్నమెంట్ బోపన్న కెరీర్లో చివరిది కావడం గమనార్హం. ఈ టోర్నీలో అతను కజకిస్థాన్కు చెందిన అలెగ్జాండర్ బుబ్లిక్తో జతకట్టాడు. ఈ జోడీ రౌండ్ ఆఫ్ 32 మ్యాచ్లో జాన్ పీర్స్, జేమ్స్ ట్రేసీ చేతిలో 5-7, 6-2, 10-8 తేడాతో ఓటమి పాలైంది.
గొప్ప గౌరవం
ప్రొఫెషనల్ క్రీడల నుండి రిటైర్ అవుతున్నట్లు తన సోషల్ మీడియా ఖాతా ద్వారా బోపన్న ప్రకటించాడు. “మీ జీవితానికి అర్థాన్నిచ్చిన దానికి ఎలా వీడ్కోలు చెబుతారు? పర్యటనలో 20 మరపురాని సంవత్సరాల తర్వాత, నేను అధికారికంగా నా రాకెట్ను పక్కన పెడుతున్నా. నా సర్వ్ను బలోపేతం చేసుకోవడానికి కూర్గ్లో కట్టెలు కొట్టడం నుండి, ప్రపంచంలోని అతిపెద్ద వేదికల లైట్ల కింద నిలబడటం వరకు - ఇదంతా ఒక కలలా అనిపిస్తుంది. భారతదేశానికి ప్రాతినిధ్యం వహించడం నా జీవితంలో లభించిన గొప్ప గౌరవం” అని బోపన్న పేర్కొన్నాడు.
డబుల్స్ స్టార్
భారతదేశం నుండి వచ్చిన గొప్ప టెన్నిస్ క్రీడాకారులలో బోపన్న ఒకరు. డబుల్స్ దిగ్గజం ఎదిగాడు అతను. తన ట్రేడ్మార్క్ సర్వ్, అద్భుతమైన నెట్ ప్లేతో డబుల్స్, మిక్స్డ్ డబుల్స్లో తనకంటూ ఒక ప్రత్యేక గుర్తింపును సంపాదించుకున్నాడు. 2017లో ఫ్రెంచ్ ఓపెన్ మిక్స్డ్ డబుల్స్ టైటిల్ గెలుచుకున్న ఈ 45 ఏళ్ల ఆటగాడు, అనేక డేవిస్ కప్ టైస్లో, ఒలింపిక్ క్రీడలలో కూడా భారతదేశానికి ప్రాతినిధ్యం వహించాడు.
{{/usCountry}}భారతదేశం నుండి వచ్చిన గొప్ప టెన్నిస్ క్రీడాకారులలో బోపన్న ఒకరు. డబుల్స్ దిగ్గజం ఎదిగాడు అతను. తన ట్రేడ్మార్క్ సర్వ్, అద్భుతమైన నెట్ ప్లేతో డబుల్స్, మిక్స్డ్ డబుల్స్లో తనకంటూ ఒక ప్రత్యేక గుర్తింపును సంపాదించుకున్నాడు. 2017లో ఫ్రెంచ్ ఓపెన్ మిక్స్డ్ డబుల్స్ టైటిల్ గెలుచుకున్న ఈ 45 ఏళ్ల ఆటగాడు, అనేక డేవిస్ కప్ టైస్లో, ఒలింపిక్ క్రీడలలో కూడా భారతదేశానికి ప్రాతినిధ్యం వహించాడు.
{{/usCountry}}2024లో బోపన్న ఆస్ట్రేలియన్ ఓపెన్ పురుషుల డబుల్స్ను (మాథ్యూ ఎబ్డెన్తో కలిసి) గెలుచుకున్నాడు. ఆ తర్వాత కొద్ది రోజులకే 43 ఏళ్ల వయసులో ప్రపంచ నెం.1 ర్యాంకును సాధించాడు. ఇది అతని పట్టుదల, దృఢ సంకల్పానికి నిజమైన నిదర్శనం. బోపన్న 2017లో ఫ్రెంచ్ ఓపెన్లో మిక్స్డ్ డబుల్స్ను కూడా గెలుచుకున్నాడు. అక్కడ అతను గాబ్రియేలా డబ్రోస్కీతో భాగస్వామ్యం ఏర్పరచుకున్నాడు.
పాక్ ఆటగాడితో
చాలా మందికి తెలియని విషయం ఏమిటంటే, బోపన్న కెరీర్లో పాకిస్థాన్కు చెందిన ఐసామ్-ఉల్-హక్ ఖురేషీతో కలిసి ఆడాడు. ఈ జోడీని అభిమానులు ముద్దుగా ‘ఇండో-పాక్ ఎక్స్ప్రెస్’ అని పిలుచుకునేవారు. ఈ జంట 2010 యూఎస్ ఓపెన్ ఫైనల్స్కు కూడా చేరుకుని ఆసియా టెన్నిస్ను ప్రపంచ పతాక శీర్షికలకు ఎక్కించింది. యూఎస్ ఓపెన్ ఫైనల్స్తో పాటు, బోపన్న మరో మూడు గ్రాండ్స్లామ్ల ఫైనల్స్కు కూడా చేరుకున్నాడు.
ఒకటి పురుషుల డబుల్స్లో (2023 యూఎస్ ఓపెన్లో ఎబ్డెన్తో కలిసి), రెండు మిక్స్డ్ డబుల్స్లో (2018 ఆస్ట్రేలియన్ ఓపెన్లో టిమియా బాబోస్తో, 2023 ఆస్ట్రేలియన్ ఓపెన్లో సానియా మీర్జాతో కలిసి). అతను 2012, 2015 సంవత్సరాల్లో మహేష్ భూపతి, ఫ్లోరిన్ మెర్జియాలతో కలిసి ఏడాది ముగింపు టోర్నీ అయిన ఏటీపీ ఫైనల్స్లో కూడా ఫైనల్ మ్యాచ్ ఆడాడు.